كَود وما ظل شي
من مايـــــــــــــه
ــــــــــــــــــــــــــــــ
كَود وما ضل شي من مايــه
بجتافه أحجايات
هوايه
السباح ايـــــــسولف للعنــكَر
والكَصبه ابداخلهه
احجايه
ماتـت كل نبته ابديرتنـــــــــه
والراعي أيبجيني
أبنايه
ما ظل شي بجتافك كــودي
حتى الشريب
ابزيزايه
ولا سياحة لسعده أنلاحـــت
بجتافك يلساكَي
الدايه
صوفر واتذرت حباتـــــــــــــه
وي هبت الريح
العتايه
عرنوص البردي وخريطـــــه
ولا دثة مطره
امودايه
كَودي ما اظن يوم ايخنيـــب
همة كل ناسه ابلا
غايه
صيهوده ايجفن بـــــــالوادم
والصبخه اتمد ثوب
انهايه
اشمالج يا ريــــــح اتجافينه
حتى اهبوبج يجهل
رايه
المــزنات ابعيد اتوديـــــــــه
وما مطلوبين احنه
أبسايه
ليش ايباس ابكَاعي الحلوه
وكل نبته بارضي
امطوايه
لا مو اقدار الصابتنــــــــــه
ما نعرف نرفع
هالرايه
___________________________________
الشاعر / ابو محمد الجابري
ـــــــــــــــــــــــــــــــــــــــــ
29/2/2016م
___________
ليست هناك تعليقات:
إرسال تعليق