(((((((((رحلت )))))))))===
================محمودعمار الزلباني
وحشاني ياللي رحلتي
ودا غصب عنك رحيلك
دا الهم بعدك راحلتي
وخلاص قريب ها جيلك
============
مع نفسي قاعد بفكر
وأدور فى ماضي وراح
ألاقي مزاجى معكر
ويضيق عليا البراح
============
كان يدك لدمعي بتمسح
وقلبك كان ليا يطمن
دلوقتي بعدك بيدبح
وما عدش غيرك يحنن
============
انا فاكر فرحه بعينك
عشناها وعدت ثواني
والبسمه كانت تزينك
والكلمه كانت اغاني
============
وياكى عدت سنيني
من غير ما أعد ف شهورها
وياما كونتى تواسيني
ولروحي انتي شعورها
============
حياتناكانت سعادة وامان
والخصام كان بينا دقيقه
وقلبك لقلبى هو الحنان
وانتى لقلبى حقيقه
=============
والصبر بعدك جانى وقاللى
أصحى وأوعى ف همك تتوه
كلامك باقى معايا وفاضلى
روحتي وقلبى معاكي خدوه
=============
مقدر ولا بد عنه
ومافيش باليد حيله
مكتوب لابدمنه
والكل يبلغ رحيله
==================محمودعمار الزلبانى
ليست هناك تعليقات:
إرسال تعليق