ما بين الشك والحيره وبين املى اللى راح مني
وبين اشواقى والغيره وجرح ف قلبى يألمنى
وبين خوفى لتهجرنى واقاسى الوحده من بعدك
ومين ع الشوق يصبرنى وكيف اصبر على صدك
وطيف فى الفكر حيرنى ياساكن فى الفؤاد وحدك
ولا بعادك يغيرنى ولاطعم احلى من شهدك
منايا حبيبى تعذرنى ده انا املى انول ودك
ولا الدنيا هاتكسرنى مايكسرنى الا شوك وردك
بلمسه ايد بتأسرنى شجر تفاح على خدك
ومين ع البعد ينصرنى ومين ع الهجر بيساعدك
وليه تهجر فؤاد حبك وانا الغيره بتقتلنى
وانا عيونى على دربك ومن رؤياك بتحرمنى
فى احضانى اشيل قلبك وليه قلبك بيألمنى
انا فى الحب مش غاصبك وليه دايما تخاصمنى
دى رمشه واحده من حاجبك بتحيينى وتقتلنى
شعر احمد اسماعيل \شاعر العرب
ليست هناك تعليقات:
إرسال تعليق