كفايه
كفايه دموع على اللى راح ده حتى الحب مش بيدوم
كفايه عذاب كفايه جراح كفايه عتاب وكتر لوم
ومين اللى ف حياته مرتاح ومين فى العشق مش محروم
انا ماشى فى طريقى سواح على اكتافى جبال لهموم
انا اللى العمر ضاع منى على أمل الوفاء بالعهد
وليه م العطف تحرمنى وليه تهرب فى وقت الجد
اقرب لك تخاصمنى وتترك لى دموعى ع الخد
زماااااااااان كنت تقاسمنى مع الذكرى يطول السرد
فى اشعارى كنت تلهمنى وتحمينى من الشتاء والبرد
وضاع حبك مع الايام وهمس ماعاد ينادينى
وذاب قلبى كأنه ركام وفات العمر وسنينى
وعنى بعدت الاحلام ومين غيرك يواسينى
وتاه الحب وسط زحام وغير حبك مايرضينى
زهقت اقول كفايه خصام ياتقتلنى ياتحيينى
شعر احمد اسماعيل \شاعر العرب
ليست هناك تعليقات:
إرسال تعليق