.... احلام مؤجله .....
انا عايش دايماً علي فكره .
انا سايب احلامي لبكره ..
انا بسهر ايام وليالي .
انا سارح دايماً بخيالي .
ولا فارق بكره من امبارح .
ودايماً داير مع فكره ...
انا بحلم بدنيا خياليه .
ومراكب حب معديه ..
توزع حمولتها علينا .
ونعيش في دنيا ورديه ...
انا سابح في بحر ظنوني .
انا ساكن دايماً في همومي .
انا عاشق دايماً من يومي .
لقلوب طاهره ونقيه ...
تمشي للخير مسافات .
تمحي هموم وآهااات .
تعمل خيره العبادااات .
علي كل قلوب منسيه ...
انا بحلم والحلم مباح .
تكون كل قلوبنا سماح .
ننسي اي هموم وجراح .
وحياتنا بالخير مرويه ....
انا بحلم وبحلم وبحلم .
ومش لاقي لحلمي نهايه .
انا عايش دايماً علي فكره .
انا سايب احلامي لبكره ..
انا سايب احلامي لبكره ..
فتحي وجيه ....
ليست هناك تعليقات:
إرسال تعليق