عجبي عليك يا ابن آدم
ضعيف مع القوي
ومستقوي على الغلبان
تبقي خاتم فى صباع اليغالبك
ويدوخك يمين وشمال
ويسقيك من المر آلوان
مفيش فيك غير لسان
فوق الوصف والإحتمال
مره يطول ومره يقصر
حسب الظروف والأحوال
وملكش فى الطيب نصيب
دائما ظالم وتقول وتعيد
بتعافر فى كل حاجه
حتى لو مش هتفيد
شايف نفسك السيد
والكل عندك عبيد
نفسك تمسك نجوم السما بأديك
ويا رايتك تشبع لكن بتتسرع اكثر
وتقول هل من مزيد
صحيح مايملأ عينك غير التراب
بتفضل المشي فى الظلام والضباب
وتعشق الآوهام والسراب
تقع فى كل مطب وتقول حرام
وفى الآخر تطلع انت الغلطان
قدامك طريق النور
واضح المعالم والدروب مفروش بالورود
دائما متمرد وتكابر وتعاند
وفى الآخر توصل لطريق مسدود
لو شكتك شكه نسمع صوت صرختك من بعيد
فى دنيا العجب والعجائب
اكيد انت مقهور ومش سعيد
نفسك فى حاجات كثيره
بس ايديك مكتفه بسوار من حديد
ليست هناك تعليقات:
إرسال تعليق