صبح على مصر و لو بجنيه
و إحلم حريه تنام شبعان
صبح صبح على مصر يا بيه
دولارات فلصو إسترلينى خربان
تحيا الوحده على الواحده و نص
و إذا شح الصنف يا مسطول رص
حكاياتك كلها لزق و قص
و الماضى مستقبل ضحكوا عليه
صبح على مصر و لو بجنيه
فرعون فرعن فراعين خضعوا
زهدوا الحريه زباله رضعوا
لو مش شايفين لو مش سمعوا
الخيبه بالويبه يا وطن تاه فيه
المتشرد و الغبى و البيه
صبح على مصر و لو بجنيه
فوفا سفيره و فيفى مثاليه
و الحلم ياثورة حرام ليا
خدوا منى الأحلام ورديه
و إدونى فى السقف يا سبكى مرار
صبح يا بهيم صبح يا حمار
و إستنى على الحلم نسويه
صبح على مصر و لو بجنيه
هانى آدم
ليست هناك تعليقات:
إرسال تعليق