إتولدت وأنا بابكى
لكن الجميع فرحان
وكأنى انا وحدى اللى
مش فاهم وغلطان
هيصه ودوشه وملح
يترش حاجه جنان
ما كنت مكنون وف
حالى متهنى ونعسان
لا شايل هم أكل
ولا شرب سعيد هديان
فجأة قالولى إنزل
اليوم بقيت إنسان
بكيت واترجيت
سيبونى وحيد متصان
شدونى وضربونى
فرحانين وأنا زعلان
قطعوا حبلى مع أمى
وحسيت إننا بردان
خلصت الهيصه وبدات
اللوصه واللى كان كان
من يومها وأنا تايه
فى بحر دنيا بلا شطٱن
حكايه وبتتكرر
وسبحان الواحد الديان
بقلمى
صبرى عباره
ليست هناك تعليقات:
إرسال تعليق