فراق الحبايب
أذان الظهر
كانت أعده وبتصلى
فوسط البيت
قولتلها يا أمى ادعيلى
قالت من قلبى بدعيلك
قولتلها ياأمى هتمشى
وهروح عالغيط
قالتلى بس متغبشى
مش نام ألا م أتعشا
معاك واطمن انك جيت
مشيت وسبتها أعده
ومفيش ساعه ياناس فاتت
لأيت مرسال وبيقولى
أوم ارجع ورح البيت
رجعت لأيت جرنا
واهل حتتنا وناس لما
دخلت البيت وأنا بسأل
فى أيه ياما
قالولى أمك خلاص ماتت
ف عز الحر لأيت الرعشه
مسكانى ومن حزنى أترميت عالارض
ولأيت نفسى بصوت عالى
ياناس دى سيبها بتصلى
دخلت أطول أنا عليها أخر طلا
وخدها ف حضنى وأبوس أيدها
لأخر مره
وقولتلها خلاص ياما سنينى الحلوه
خلاص رحلت مع رحيلك
وعشتى يا أمى تدعيلى
وهعيش العمر ادعيلك
وسنينى الجيا دى مره
ومين ياما هيدعيلى
وسال الدمع من عينى
ومش هبتكفى مناديلى
خلاص ياما يانور فارق أناديلى
بقلمى صبرى قنديل
شاعر العرب
ليست هناك تعليقات:
إرسال تعليق