ياقلبي صارحني** بقلم فتحي وجيه

ياقلبي صارحني بحق .
مداري حزنك ليه ..
ليه للهموم شايل .
وعليك من دا بايه ؟..
مشيت في طريق غلط .
خسرت نفسك فيه ؟..
ولا ناجيت القمر .
والقمر مين يناجيه ؟
... ...............
ياقلبي يالا بقا .
شد في رحالك ..
ولوطنك ارجع تاني .
وانهي موالك ..
قبل فوات الزمن .
والندم علي حالك ..
..................
عايز اشوف عشقي .
هيوصلني طريقه فين ..
عشقت ورقه وقلم .
والرسم بين سطرين ..
اوصف فرحتي هنا .
وهناك اكون حزين ..
................
ياقلبي دا مش طريقنا .
ولا دي ليالينا ..
لا نعرف رقه وشجن .
ولا نوصف امانينا ..
طريقنا ياقلبي بجد .
الناس تنام الليل .
واحنا . سلاحنا في ايدينا
سلاحنا في ايدينا ..