تحرك ياقلم*** بقلم الشاعر ناصر حميد السراج

تحرك ياقلم ناصروحرك هالحروف وهات
ميامين ومياسير المثايل وانت قايدها

وخل عنك الديار اللي بها غير الخلا مابات
غدت واحنا غدينا ما نريد نحرك اقردها

عليها من شبابيك السما مزن ن تقول فرات
وطابت نفسنا منها وعنها شال ذايدها

خذ الممشى حدور حدور ليمن تاصل الونات
بمعلوق الحشا واطلع فرايدها وفردها

و قل ياهل الوحا توحون صيحات ن هي الصيحات
على غادي عربنا قد بها انتشرت جرايدها

وفرقها اللعين بليس بالتلبيس والشبهات
وخلاها تشوف ان الردي جدها وسيدها

ونال ابها المشعوذ ما يبي من طايب اللذات
الين انحى مساري حبها للعلم وابعدها

وفلسفها على الجهل وغدت مثل القبور اموات
باجساد ن تريد هناك ما تدري مقاصدها

عليها لا تلوموني ليا قالو نويصر مات
وزبدة هرجنا كلمة من الاسلاف ارددها

اذا انقطعت حبال العلم عن امة بختها فات
واذا عم الجهل حلة ترى ما الله رايدها