حاولت انساك****الشاعر رمضان العلالقه

حاولت أنساك
~~~~~~
حاولت أهرب 
عشان نسيان
فاض الشوق و زاد مني
نسيت إني بحن قوام
و بين جدران تكلمني
احن إليك م أنا الغلبان
أدوب م الآه و من ظني
ألاقيني غريق أوهام
أنام سكران من همي
أفوق و أعتب علي الأيام
أشوف طيفك يغازلني
يغيرني عن النسيان
أفكر في اللي ظالمني
أدوق كاس الأسى ألوان
و ضاع العمر فات مني
أتاريني في هواك غرقان
و شط لقاك بعيد عني
أنام و أصحى أنا الغلطان
و ليه الأوهام تسهرني
م أنا فاكر و أنا الحيران
و في الأحلام بتهجرني
نسيت إني بحن قوام
من الحرمان عشان إني
بدوب و أسكر م اللي كان
و ب الأحزان تفكرني
~~~~~~~~~~~~
بقلم / رمضان العلالقة