صباح الخير** بقلم ماهر البساطي

صباح الخير حبيبي

صباح الشمس اللي بتنور
لما عيونك ع الدنيا تطل..

صباح الخير حبيبي
صباح جميل هادي منور
بريحة الورد والفل..
صباح الخير..

الضحكه اللي علي وشك
بتخلي نهارنا نادي

وشقاوتك وخفة دمك
سعاده لكل الليالي

والطير في السما بيغني
لو صوتك مره نداني

والدنيا ربيع والجنه
في عيونك اهي قدامي

والزهور تكبر وتفتح
والحب في قلوبنا يطرح
والناس كلها تفرح

لو عليكي انكتب كتابي..

صباح الخير..

ماهر البساطي..خواطر شارده