العيش المرير*** بقلم الشاعر* بشار اسماعيل

((((( العَيش المَرير )))))
________________
.
سَئِمتُ الحَياة والعَيش المَرير
إيجار البَيتِ وَراتبٍ يَسير
واحد بدّو شوكالاته وعَصير
وأُخته بِدها ثوب الحَرير
طِفلَة بِدها فوطَة وحَليب
وهَمّها دوم هَزّ السَّرير
كبرَت الطِّفلَة وأمرها غَريب
بِدها خَلَوي ومَصروف كثير
يا حَسرَة على الأبِ الحَزين
لا إبن يَرحَم وَلا تَقدير
البيت لازمه خُبز وطَحين
وكُل يوم يمرّ بِلا تَوفير
وهَمّ الزّوجَة أكثَر بكثير
وفوق الهَمّ طَلَبها عَسير
والغَلا كُل يوم يزيد
ورَبنا عالِم ما المَصير
ناس تدوس على الحَرير
وناس تنام على الحَصير
لَوْ كُنا أيام أبوبكرٍ وَعُمَر
لَمْ يَبقَ فينا أحَد فَقير
اليوم القَوي يأكُل الضَّعيف
وزَمان كان الطّويل مثل القَصير
نَخشى لَوْ طالَبنا الحُكومَة
لا أحَد يَعلَم شو ممكن يصير
أمَلنا بالله بِالفَرَج القَريب
العَبد يفكّر والرَبّ في التَّدبير
___________________
بقلم الشاعر / بشار إسماعيل