سراج العمر
--------------------
بحر المحبه عِليت مْواجو
لا تتهمي هالقلب ع هياجو
وبتعرفي علاج القلب لو هاج
لا تبخلي وودي الو علاجو
ع طلتك بتتخرسن الامواج
وعشاق بيصيروا عم يناجو
وبيرقصوا ع دقة الهباج
وبيخشعوا في البيت حجْاجو
الله خلقنا بهالدني ازواج
ولبعضهُن دوماً بيحتاجو
لا تجبريني ظلني محتاج
وبتعرفي وردك انا سياجو
حاجي دخيلك تضلميني حاج
هالعمر ضويلي الو سراجو
خوفي ع غفله ينطفي الوهاج
وشو قيمتو بيكون في هالعمر
لولا انطفى ع السكت وهاجو
----------------------------
بقلمي راضي مشيلح
ليست هناك تعليقات:
إرسال تعليق