الحب مش كلام
الحب مش كلام ومغازله بكلمتين
ولا نظرة والسلام ولا غمزة من العينين
ولا ضحكة وأبتسام و خاتم مع دبلتين
الحب مش الآم ولا دمعة ع الخدين
ولا عمره كان حرام وكل العشاق شاهدين
تعريف الحب
الحب يعني أنسجام مابين روحك وروحي
فى عمق قلبك أنام وتكففي لى جروحي
وحتى لو فيه خصام لازم بحبي تبوحي
نفرح مع الأيام مع نبض قلبي تروحي
وأحبك
أقولك باحبك واحس بحروفها
واقسم بربى تعيشي ف أماني
وفرحه فؤادى ف عيونك باشوفها
وصوتك مرايا بتعكس اغاني
وشمس المحبه تدارى كسوفها
أضمك لحضني وتشرب حناني
ودنيا السعاده بروحنا نطوفها
وعيونك الجميلة بتضحك عشاني
شعر احمد اسماعيل \شاعر العرب
ليست هناك تعليقات:
إرسال تعليق