(ليلة القبض على صعب )
علمونا فى الكُتَاب
الثقافة مش بس كتاب
الثقافة تاريخ وعقل
والتاريخ تزويره سهل
سهل قابل صعب قله
واه يا صعب كفايا مكر
دانتا دوست اجيال كتير
والاجيال ورثاها فقر
رد صعب بسرعه قال
حملى طال حمال جبال
كل خيبه يلبسها صعب
كل مصيبه يلبسها صعب
كل زريبه يسكنها صعب
كل خرابه يصنعها صعب
كل ظلم هاتولى صعب
كل قهر تلاقى صعب
صعب وج، ياريتنى سهل
يا ناس كفايا ،زهقنا جهل
أنا مظلوم، مقهور، معاكوا
وصاحبنا بيضربكوا
على قفاكوا
فى النهاية تتهموا صعب
.................
نرجع تانى لموضوعنا
نلف ندور
ويكون مرجوعنا
علمونا فى الُكُتَاب
الثقافة مش بس كتاب
الثقافة شرَحها صعب
بعدها عِلِى منه الكعب
أعدموه مسكين ياعينى
بدلوه بخمسه ،صينى
............................
سبحان الله حتى الصعب إشتكى منهم ،
تحياتى ،بقلم عمر جميل
ليست هناك تعليقات:
إرسال تعليق