يا ريت تفهم....من كلماتى ...إن شاء الله تعجبكم...تحياتى القلبية للجميع
-----------
يا واد يا اللى...لابسلى فى إيدك الخُلخَال
وكام خاتم...و فى الرقبة لابس سلسال
عامل فى الشعر ميت قُصة...
وفارده فوق كتافك مال
يا واد قولى إيه القِصة...
متسترجل...يا ماشى فى الحياه دى شمال
الإسم راجل والشكل بت...
والمشية عِوجة ولا واحدة سِت
يا أبو جزمة حمرا ويا إسترتش
و بلوزة تنفع لأختك آمال
أبوك طول عمره عاش راجل...
لرزقه بيسعا ويناضل
حكايتك إيه ...وإيه فاضل
يا ريت تفهم بأه اللى إنقال
بقلم الشاعر / صبرى أبوطالب
ليست هناك تعليقات:
إرسال تعليق