اهل الكهف
---------------
سَقْطُوا الاقمار
إتْحَنُّوا كفوف الارض
ورغم الوجع
لاحت رايات العز ع العالي
وشمس الشهامه
محيت جناح العتم
طلِّت كاِنها حامله بشاره
بمولد صباح جديد
دُقُّوا الكحل تا نْكَحِّل عيون العروس
عمتصهل خيول الفرح
وعرفت اهلي دوم خياله
كتبوا الكرامه عطر
عخدود التاريخ
ومثل النسورإتْعَوَّدُوا
بجنحانهم بيشربكوا خيوط الغيوم
وما بيركعوا
ما بيركوا الا لخالق هالدني
وياريت يلي بيجهلوا يفيقوا
ما دامهم اهل الكهف فاقوا
-------------------------------
بقلمي راضي مشيلح
ليست هناك تعليقات:
إرسال تعليق