الشكوه لغير الله مذله
-----------------------------
من وين بقدر بعد سَكّنْ بروحي روح
ورجّع عهود الصِبا تا سكنك فيها
وروح اللي فيي انتلت هم وحزن وجروح
وعجززت اطباء الدني تقدر تْداويها
من يوم اول لقا ء بعدو القلب مشفوح
وصرتي القصيده اللي بعشق دوم غنيها
صايغ حروف ذهب حتى ابد ماتبوخ
وبيبوخ عمري اذا بنسا معانيها
خلي طريق الوفا بيناتنا مفتوح
وطاقة املنا ببكره لا تغلقيها
بلكي نسيم القدر عاقلوبنا بيفوح
ويبعث بعطفو الندي والنار يطفيها
ما بحب شوف الدمع عالخد عما يسوح
بخاف الورود الطرايا الدمع يئزيها
الشكوه مذله ورح بقلك اذا مسموح
الا لرب الخليقا عيب نشكيها
---------------------------------------
بقلمي راضي مشيلح
ليست هناك تعليقات:
إرسال تعليق