*** آه من آه
------------
*حيرني بعادك يا اسمك أيه
حيرني حُبه وهمس عنيه
وهبتك قلبي تسكن فيه
وغيابك عني يطلع أيه
آه من آه يابن الأيه
*آه منك آه آه ياني
في نار الشوق جه ورماني
غرقني في حُبه ونساني
طب قوللي في بعدك أعمل أيه
آه من آه يابن الأيه
*ليلي ونهاري بفكر فيك
طب ابعد عني شويه عنيك
ياتخدني معاك إيدي ف ايدك
يا تقول لي خصامك يطلع أيه
آه من آه يابن الأيه
*قلبي اللي في هواك حيران
طول ليلُه ياعيني معاك سهران
طول عمره معاك ماكان ندمان
مهما العزال قالوا عليه
آه من آه يابن الأيه
*حلفتك بالحب وسيرته
وبشوق القلب اللي هجرته
رجع لي قلبي اللي أسرته
ياتقول لي حكاية حبك أيه
آه من آه يابن الأيه
*أيه اللي غير أحوالك
طمني أيه اللي جرالك
وناسيني ولا ولاعلي بالك
ماتقول لي نهاية بُعدك أيه
آه من آه يابن الأيه
*حلفتك بالغالي عليك
ماتخدني تاني ف رجليك
قلبي بيحبك وشاريك
حبك وحنانك دبت انا فيه
آه من آه يابن الأيه
-------[مبروك البنا]-------
ليست هناك تعليقات:
إرسال تعليق