آخر المنشورات

السبت، 6 أغسطس 2016

.((((( وشوش يا دنيا ))))) بقلم الاديب الشاعر/ أشرف فؤاد السمادونى

.((((( وشوش يا دنيا )))))
*************************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
وليه نكره مادام عايشين
وليه الدنيا تخنقنا
نعيش العمر ليه تايهين
دا حتى العمر هيفوتنا
***********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
فى ناس بتحب وبتدى
وناس عايشه عشان تاخد
يمر العمر ويعدى
قلوب تقرب وتتباعد
**********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
طول عمرى بوش واحد
واحترت انا ف الوشوش
على وعدى فضلت اعاهد
انسان وسط الوحوش
**********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
انسان بيتسول
وكل شكل بلون
وفجأه يتحول
وعليه حبايبه تهون
***********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
دى الدنيا غوايه
بيحبها المفتون
والشر ألف لجام
ع الخير وداء مجنون
***********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
***********************
حاسب من المنقوش
وملاك من أصل وحش
ركز بقى ف الوشوش
دا الزيف بألف وش
***********************
وتتلون جلودنا سكوت
ونلبس ألف وش ووش
ووش يقول بحبك موت
وكل كلامه غش ف غش
*************************************
الاديب الشاعر/ أشرف فؤاد السمادونى






plus de
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)