.........(كلمه محسوبه).......
مفيش عندي غير الكلمة
وحتى الكلمة محسوبه
ياآهه عايشة ومسالمه
وفوق الشفه مصلوبه
ياضحكة غابت بعيد عنا
وكانت عايشه مطلوبه
في وسط الحلم متألمه
وراحت دخله غيبوبه
ووخده روح كانت حالمه
تكون السعد والهيبه
تكون في الدنيا الجنه
تكون في القلب حبوبه
لكن كان الوجع بيننا
بحار ماكنتش منسوبه
في موج عالي بقى يشيلنا
وشط بحاره أكذوبه
وبحاره بقى تعبنا
عشان ماعرفش إنكاره
ياوجع في القلب ماسابنا
ولا قادرين لتياره
ساعات ياخدنا ويجيبنا
وعيشنا في أقداره
وموجه تملي يسحبنا
ورمله هش في جداره
يابحر فين مراكبنا
وفين مجدافي وشعاره
ماجينالك هنا بكيفنا
لكن م الموج وأخطاره
يابحر إقبلنا بظروفنا
وهات للريح أعذاره
وخلي الدفه تعرفنا
وعزف الموج بأوتاره
وجعنا ليه يخوفنا
مادام ربي له أسرارة
بقدرته يقدر يعرفنا
ينجينا في مشواره
يخلي الموج بقى يشوفنا
ويبدأ فجرنا نهاره
........(شعر)..........
عبد الله السايح
ليست هناك تعليقات:
إرسال تعليق