.. ميلاد شاعر .. بقلم الشاعر / فتحي وجيه

.. ميلاد شاعر..
انا كنت فاكر اني .
برقص انا الحرف ..
وبلاعب الكلمه .
وامسكها من كل
اتجاه اوطرف ..
وفي مكانها تمام
في كل نحووصرف ..

وانا اللي كنت فاكر اني .
استاذ في المواويل ..
اغازل الشمس
واسهرعلي ضي القناديل ..
ويسهر معايا القمر .
والليل علينا طويل ..

وكنت فاكر اني .
بالكلمة قوي ولعيب ..
زي حليم بالغنا .
وفي الكوره الخطيب .

لكن انا وبصدق .
عديت كده حدودي .
لاانا في الفصحي عنتره .
ولا في العامي الابنودي .
ولاكنت في يوم الجخ
ولا وزعت انا ورودي .

لكن لازم اكون .
واثبت انا وجودي  ..
وارقّص يوم القلوب .
واوزع لهم ورودي ..
واكتب من الشعر قصايد
اعلن بها خلودي ..
جوه القلوب تعيش .
ودي اول مولودي .

قصايدي مش فصحي
ولاهي عاميه ..
قصايدي شعروفيه حريه .
واسمه هو
الشعر المنثور بحريه.
ودي مدرستي انا .
ويارب تكون مجديه .
وبالقلوب تعيش .
ودي اغلي امنيه .
       ودي اغلي امنيه ...
              فتحي وجيه  ...