" في حرب تحرير سينا " / بقلم الشاعر / عبدالله ابراهيم

" في حرب تحرير سينا " / عبدالله ابراهيم

في حرب تحرير سينا ..
في اليد مسلم وميسحي
والاخوة بينا واحدة ..
اللي كان يتصاب ما بينا
يشيلني اخويا ويجري بيا ...

في حرب تحرير سينا..
بنسابق علي الشهادة
والكل بيفدي وبيدافع ..
الله علي روح اكتوبر
عيد النصر والشجاعة ..

بكل فخر وشرف وانتصار..
صنعنا التاريخ وسطرنا البطولات ..
يا مصر يا محروسة من الرب القهار ..
هنشوفك موعودة دايما بالانتصارت

في حرب اكتوبر هحكي لاولادي ..
وهقول لهم انتم من مصر بلادي
هحكي عن الابطال والمحاربين الجسار..
وهقول لهم افتخروا صنعنا بالإرادة معجزات ..

يا سينا يا ارض السلام والكنانة ...
يا ارض انتصارنا يا حمامة السلامة ..
يا خضرة يا سمرا وجيشك حماية
بحبك يا حرة يا كايدة الاعادي ....

انا بن مصر اللي زلزل يومها سينا بالتكبيرات والقوة
أنا بن مصر اللي عدا القناة وعبر العبور بالمجاديف والجري
انا بن مصر اللي اقتحم الحصون وحطم خط بارليف
انا بن مصر اللي ادي يومها درس معني الشجاعة والفداء والنصر

يسلم لمصر عيونك يا امي..
يا فاتحة النهار بروحنا في سينا
وجايبة الروح والنصر لينا..
يا حرب اكتوبر يا اغلي ما لينا

علمت العبور ومعني الفداء
وحققتي نصر ميسبقهوش العصر ..
تدومتي يا مصر صوت السلاح
بيحرك جنودنا وتعيشي يا مصر ..

يا سينا يا اطهر ما فينا..
بدم الشهدا ع رمل سينا
حرر لنا جيشنا الحدود..
والابطال يسلم عيونكم لينا
سبتولنا عزة وكرامة لحد اليوم..