حبي لبلدي ( حدوتة ) بقلم الشاعر / معوض حلمي

حبي لبلدي ( حدوتة )

أنا    الحدوتة      والتوتة
وانا  الغنوة اللي  مظبوطة
 على     كيفك     تغنيها
على اللحن اللي ف النوتة

وانا الضحكة اللي مش طالعة
وانا    الصفصافة    ع الترعة
وانا   المكنة   اللي    شغالة
بتروي     الأرض     والزرعة

وانا  الداير  كما  الساقية
ياست    الحسن   ياراقية
فدا  روحك  تروح  روحي
عشان سيرتك تدوم  باقية

وانا الهايم كما  الدرويش
وانا النايم كمان ع الخيش
وتحلى    اللقمة   وياكي
بملحاية   وكسرة   عيش

وانا الماشي وماشي الحال
وانا   العاشق  وقلبي  مال
واشيل     الهم      وياكي
لو  كانت  همومكي   جبال

وانا اللي سرقاني عنيكي ساعات
غريب   وانسلخ   جسمي  راقات
وبادعي  ربي  يحفظك   ويصونك
وارجع   أشوفك    غالية الغاليات
..............................
بقلمي  ..
معوض حلمي
منشأة بطاش
تمي الأمديد
دقهلية