قصيدة المولد النبوى الشريف بقلم /ياسر شرف

قصيدة المولد النبوى الشريف
================
امل حياتى ومذهبى
انى اشوف مولد النبى
واحلم ببشرى عنه واقول
نبينا هو طه الرسول
يوم مولده فاحت الدنيا بنفحات
و عطر و كولونيا وابتسامات
وفرحت بأسمه كل سماء
انهار وارض جبال وهواء
ونجوم تنادي علي الاكوان
مولد نبينا طه العدنان
والطير يسابق كل رياح
فرحان يغني بأسمه كمان
ده شفيع ورحمه لامته
وقلوبنا عامرة بمحبته
يتيم وطفل ومعجزة
و بشارته طاهرة كويسة
حبات مطر واوراق اشجار
تذكر في اسمه ليل ونهار
مبعوث برتبة ربانية
رحمة ورسول للانسانية
يوحي له ربه بالتفسير ق
رأن وسنة مع جبريل
امي وعلم جيل ورا جيل
فقه وشريعة وشرح كتير
وأسس خلافة اسلامية
بمدد وقوة ربانية
وسطية سمحة مع التيسير
بدون مزايدة او تغيير
وتلامذته خلافاء وعلماء
شيوخ ائمة وعرفوا الداء
ذكراك ووحيك اصل الدين
مصباح وقدوة للعالمين
وأنا نفسي احلم حلم جميل
برؤيته ينقذ ملايين
وتكون دى اخر امنية
فى ليلة مباركة محمدية
صلى الله على محمد
صلى الله عليه وسلم
ياسيدى يا شفيع الملايين
خاتم واشرف المرسلين
ونحج جمعا علي عرفات
بقلوب كسيرة وكل اهات
ونلبي دعوة الرحمن
ونموت هناك ده بخير وسلام
ونزور نبينا العدنان
بدمعة فرح وياالايمان
واحط أيدي علي الروضة
وأهيم بروحي الممدودة
يارب اجمعنا على حوضه
ويسقينا شربة من ايده
هو شفيعنا ووسيطنا
يارب اغفر في ذنوبنا
ونشوف رسولنا العدنان
جمعا في جنة الرضوان

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون