((((( رسالة للغايب )))))
مليت من دنيتي كلها في غيابك
و الشوق وحده دايم يعطيني أمل
غربتك طالت و زاد فيني ألم عذابك
وضاق فيني الكون الوسيع من الملل
واقف مهموم أنتظر مقدمك بأعتابك
وإنت يا صاحبي لا تسأل وغيرك سأل
كل من حولي ماغنوا عن حضرة جنابك
ليتك تخبرني ياغزال الريم ويش العمل
أخذ لك العذر دوم ما بين أصحابك
أقول دايم يكلمني و ذاك والله ماحصل
خليتني محرج ما بين ربعك و أحبابك
وإنت بغيابك شارب دوم شهد العسل
من كثر جيتي و وقفتي دوم على بابك
حفظت كم نقشة مرسومه على القفل
ليتك تحس فيني و تقول إيش أسبابك
ليه طالت غيبتك و قطعت عني الوصل
القلب اللي تركته صار بالدمع يتغنابك
طول ليله و نهاره ينشد قربك يكتمل
حسافه يا زين غرك بالبعد عني شبابك
عايش دنياك و تارك قلب يموت بالزعل
أنا من بعت الكون كله على عشانك
وإنت ياحسايف دايم عن غرامي منشغل
اليوم أكتب شكوتي لجل تعمل إحسابك
ترى ما عاد القلب يا الغايب يقدر يحتمل
يا ترد و تيجي تجدد فيني وصالك
يا تحسب إن الموت قد جاني و حصل
صائغ القوافي الشاعر
فهد بن عبدالله الصويغ
19-12-2016
ليست هناك تعليقات:
إرسال تعليق