((((( تحسبني مقدر )))))
إشلون تصورت أو خطر ببالك
إني في يوم راح أزعل عليك
لا واللي جملك غرك حالك
تحسبني مقدر أعيش غير بيك
قبلك كنت عايش قبل وصالك
ولا إشلون عاد ألتقيت فيك
غرك حسنك و زودت في دلالك
على بالك صرت خاتم بين إيديك
لا والذي خلاك بقلبي لحالك
وقت الكرامة أنسى كل لياليك
لكن تتغير وتغير أجمل خصالك
أنساك وأنسى غرام كان بماضيك
قلبي منيع يقاوم حسن جمالك
وقت الشدايد يرفع لك مراسيك
لو كانت حياتي بقمم جبالك
أسلك درب الوديان لجل لا جيك
اليوم إنت صحبة مع عذالك
خلهم لك باكر يتشمتون بمعاليك
غروك وصرت مثلهم بكل أحوالك
وقالوا لك مقدر أبعد عن أراضيك
لا والذي عزني من قيد أغلالك
ما عاد قلبي اليوم يرتجيك
للأسف ضحك عليك كبر خيالك
وتصورت أبيع كرامتي وأجيك
خلك بغرورك وكبر فيه إحتمالك
خطوتي من اليوم غير خطاويك
لو كنت البحر بكبرك و جلالك
أنا أرض البحر اللي تحتويك
إنتهى كلامي ليت تحطه بغربالك
لجل تشوف نتايج تحديك
صائغ القوافي الشاعر
فهد بن عبدالله الصويغ
25-12-2016
ليست هناك تعليقات:
إرسال تعليق