قصائد قصيره ..بقلم الشاعرقصائد قصيره

قصائد قصيره    (13)   *** بقلم السيدابوطاحون
*********

بدور عليكي لأن صباحي
ما ينفع من دون عيونك ياروحي
شفايفك بتفتح بلاد الجمال
واسكت واسكت وأنت تبوحي

صباحك .. نسمات  وسرور
ويدور على كل الدور
يزرع ود و  ورد  ونور
ويجبر القلب المكسور

*********
بكره
وفي المواعيد
جاى الشهيد
جايب في ايد النصر
والتانيه  فيها العيد
*********
دخلتنا ف حاره سد
وبحر ميت ماله مد
اللي يظلم
يبقي مجرم
واللي يبني إزاى يهد ؟!

*********
مستحيل
البحر عدى
ع الجمال ده
وشاف وهدى
وحط رأسه ع المخده
وقال يا نوم
مستحيل
*********
طب ليه بقى ..
 يادي الشقا
لابد في حضن الفقير
ومجهز المشنقه
يمكن .. معشقه  ؟ !
*********
يطلع صباحك يعجبني
وكأنه جاى يوجبني
بعد الغلاء اللي ركبني
أهرب ..ومش راضي يسيبني
*********
 نزلت بحر الجمال أكتب على قلبك
وافتح الباب اللي قفلوه بالسكات
وياما جنة شعرنا فيها آيات
ديما قلوب الاحبه بتقول اغنيات
*********
يهل طيفك ..عيونك تسلم عليه
حضنك ف حضني محلاها الملاغيه
راح العذاب اللي شفته أيامي ولياليه
والدمع يهرب !
تبان الضحكه في عنيه وحواليه
*********
يا جمال الصبح سافر
للصبيحه معاك بشاير
الحروف عماله ترقص
شعر من قلب المشاعر
*********
قصائدقصيره  (14)
الأخنوم
السيدابوطاحون