إكتب ياقلم
مسكت القلم وقلت
إكتب عن همومي
بكي القلم
قبل عيوني
ورسم حروف من الماس
وكمل وقَلب في الذكريات
قلتلو دوس بإحساس
وإكتب عن أعز الناس
عن صاحب أو أخ
أو أب وإم حتي إستاذ
إفرد دموعك
ورتب حروفك في الكراس
إوصف وقول مين ودعك
ومين بكي عليك واشتراك
وعن إللي همل فيك وباعك
إدي كل وأحد حقه إللي إستناك
وإللي إستغني عنك بسهوله
حتي إللي مرضتش عليك
وعملت نفسه خجوله
وإنت عارف كل حاجه
من أول الفوله
متتكسفشي من دموعك
وإكتب لكل وأحد إللي قاله
الغلط غلط والصح صح
والكلام الملون وأفعاله
وكل إللي يقول حاجه حلوه
وقت الجد عكسه في أعماله
ومتنساش أجمل كلمه
سمعتها هي وصاحبها
حتي لو جت بعديها قسوه
وخفت معالمها
سطر كل إللي فاكره
علشان كل الأيام معلمها
وخليك أصيل
بلاش تلون الحروف وإنت بترسمها
خلي الكل يعرف ليه نزلت دموعك قبلي
إنت إللي هاتكتبها وتظهر معانيها
وشاهد عليها بالضماير والأفعال
مش من بعيد هاتشتريها
كلها اتكوينى بنارها
ومصعبناش علي حد
لما عشناها وحسنها
ومتفكرش في إللي هاتكتب عنهم
وإيه هايجرالهم
وخليك فاكر
إيه خسرنالهم
صموئيل فايق
ليست هناك تعليقات:
إرسال تعليق