صورة
همس القلوب
في ليالي السهر
غنوة علي درب
الجمال
في ضي القمر
رعشة إيدين
وقت اللقاء
حلم يتحقق
فجر يطل
يمحي الظلام
همس الشفايف
حب
سحر الهوي فيه
خمائل لها حكايات
من كل شوق ترويه
أبعد مدي بيضم
صبر السنين جواه
يختفي خلف الغمام الألم
صمت يلف الكون
لحن السعادة ضمير
يحرس خطاوي الدرب
يضوي ضي الحب
قنديل ورا قنديل
مدينة العشاق
فيها الجمال دستور
الحب فيها طريق
تمشي عليه أقدام
حياتها رحلة نور
مابين قلوب الناس
جسر الرضا ممدود
الكل فيها سعيد
كل العذاب انمحي
بعثه الرضا لبعيد
أفراح وحب وهنا
وايد بتمسك إيد
لا لوم علي اللي حصل
ولا عتاب موجود
العشق عدي اامدي
الكل بيه يجود
صورة لحلم ابتدي
بس مالهش وجود
شعر
عبدالله محمد حسن
مصر
ليست هناك تعليقات:
إرسال تعليق