______ طعم الشهد _____
انا مش مستني منك رد
خلاص الرد لوحده جاني
لما لقيت باقات الورد
بتتجمع من علي أغصاني
وعطرك فاح علي بعد
من عز نومي صحاني
و قلبي فرحان بجد
لما الأمل دق بيباني
من بعد ما خدك البعد
ويوم وداعك بكاني
وصدقت معايا بالوعد
ورجعت ليا من تاني
نكمل عمرنا مع بعض
والحياه تعود لبستاني
ونداريها من الحسد
نظراتهم دايما وجعاني
إللي قاصدينها بقصد
يحرموك من حناني
ويمرروا طعم الشهد
في لسانك ولساني
______________________
....... حسن الشوان 🇪🇬.......
ليست هناك تعليقات:
إرسال تعليق