............ نهر الخير ...........
أمي إللي حملتني شهور
وكنت انا اول فرحه ليها
ملت الدنيا سعاده ونور
وشالتني برموش عينيها
بخرتني بالمسك والبخور
ورضعتني بأغلي ما فيها
وعطرتني بروووح العبير
وعلمتني إذاى أخاف عليها
أمي فيضان من الشعور
وواحة أمان أحس بيها
حضنتني وانا لسه صغير
وسقتني من حنان اراضيها
دى هى ليا نهر من الخير
أحافظ عليها وبدمي أرويها
بتحس بيا من قبل ما أقول
والقا دموع عيني في عينيها
تخاف عليا وحضنها يطول
والقا كل الطيور حواليها
........................................
........ حسن الشوان ............
ليست هناك تعليقات:
إرسال تعليق