العمر لحظه
غنوه للشاعر
السيد الشهاوى
فكرني بالماضي كمان وكمان
عيشني فيه مره ومليون
أنا اصلي أحب أسمعه منك
قصه وصوره بألف لون
طمني بكرة يكون أحلي
او حتي نرجع زي زمان
متقولشي ضاع الهوي بينا
دا احنا أهله وعشاقه وبينا كان
هي إيه الدنيا غير لحظة لقاء
حبيبين وكلام وعتاب وحنين
♡♡♡♡♡
فكرني بالماضي اللي عايش فيه أنا
ما بين ذكرى وبين ذكري
أيام صفانا أنا وانت
وامل فاق كل احلامي
وبين الاه وبين لاءه
وبين تنهيده والتانيه
يضيع كل الخصام بينا
وتضحك انسي دنيايا
وننسي حتي نتعاتب بكلمه
وتضحك انسي دنيايا
ودنياك تحلا في عنيه
♡♡♡♡♡
ادي زمانك اللي زمان غدر بينا
وخد الأمان من دنيتي
اهات وجرح ودمع وليل
وشوق يزىد من لوعتي
وفات لي حب في قلبي كببر
ياخدني اليك وفات لي جرحي وعزتي
ادي القدر اللي زمان بينا غدر
راجع يصلح غلطته
طبعه كده
بعد ولقا
وهي معني الدنيا إيه من غير كده
♡♡♡♡♡
ياحبيبي العمر لحظه حب حلوه
تعالي نضحك مع الايام ونعيشها
دا الهوي بصوت حبك ناداني
وقال تعالى نعيش بقيه عمرنا
ليه نعيش العمر نبك ع اللي فاتنا
واللي جاي
أحلي اكيد احلي
ليه يضيع العمر حسره
وهو لحظه
تعالي نضحك مع الايام ونعيشها
السيد الشهاوى
ليست هناك تعليقات:
إرسال تعليق