كتبتي
*****
كتبتي يادنيا علينا
أنا وقلبي في ليله
نشوف أعز أحبابنا
بيضيع قدام عينينا
كتبتي على ايده
تحضن أيد غيري
كتبتي في يوم عيده
يهني قلبه غيري
كتبتي لي الجراح
كتبتي له الجراح
كان فيها إيه يا دنيا
لو عشنا الأفراح
كان فيها إيه يا دنيا
لو كنتي جمعتينا
بيبكي الحبيب
والدموع ماليه عينيه
دموع بكا دموع رجا
بتقول بإيدي إيه
وانا واقف وحيد واقف بعيد
ولا حد داري باللي انا فيه
بين الضلوع قلبي الموجوع
بيقول آهاته ولا حد سامعه
لو اشتكى وألا بكى
مين غير حبيبه
يمسح له دمعه
كنت بحلم بيه
كان بيحلم بيا
كنت أنا شاريه
كان كل ما ليا
فرقتي ليه ما بينا
يا ويلنا من حنينا
بعد فراقنا لبعضنا
صعب علينا يا ناس
نودع حبنا
ونودع كل حاجه
كانت في يوم لنا
ضحكتنا
مشيتنا
وقفتنا
وايدينا حاضنه بعضها
صعب علينا يا ناس
نودع حبنا
ونودع كل حاجه
كانت فى يوم لنا
وردتنا
نسمتنا
شمعتنا
اللي ياما غنينا في ضيها
كتبتي لي الجراح
كتبتي له الجراح
كان فيها إيه يا دنيا
لو عشنا الأفراح
كان فيها إيه يا دنيا
لو كنتي جمعتينا
الشاعر السيد حسن...
ليست هناك تعليقات:
إرسال تعليق