(عمري كله ليك)
ياطول عذابي ولوعتي
من حبايب قلبي وفرحتي
حبيت معاهم دنيتي
وإبتديت أنسي دموع وحدتي
مشوار هنايا إبتدي بنظرة عين
لما جونا حبايبنا من بعد شوق وحنين
وصَبحِت دنيتهم جنه ونعيم
وانفاسهم عطرت حواليا النسيم
الهمسه منهم بتغير حياتي
وحضنهم بينسيني كل ذكرياتي
وعودوني ع الغرام اسهرله ليلاتي
ومهما طال الليل معاهم ما أنام
وغصب عني عيونهم خدوني لأحلي غرام
غرام كان بالنسبالي أَماني وأحلام
معقوله ياعاشقين نظرة عين وكلمتين
يخدوني لعالم كنت بشوفه في خيالي من سنين
غيروا حياتي وعلموني صبر الليالي
وصحوا فِيا احلام ايامي
احلام احلي م اللي كانت في بالي وخيالي
خلوني علي طول حاسس جوايا بشوق وحنين
مشتاق لإبتسامه من شفايف حبيب قلبي وضي العين
وإيدي فرحانه بتتمني حضن إيديه
ياحبيبي كل كلمه من كلامك
وكل لمسه من إيديك
وكل همسه من بين شفايفك
ونظره حلوه من عينيك
صحوا فيا احلي ايام عمري وشبابي
وحلم احلي الايام والسنين
وابتدى قلبي يدوب ويدوبني
من بعد ماكان بيعاني ويعذبني
بيستني طيفك ياحبيبي يطمني
يآحبيبي وانا بين إيديك
الليل بيعاندني وِيّْطَوِّلّْ ساعاته ويناديك
ويترجاك تخليك جنبي اتهني بيك
وما تبعد ثواني عني
دانا قلبي وعقلي وروحي فيك
ياحبيبي يااحلي دنيا عمري كله ليك
خواطر (اشرف الدغيدي)
حقوق النشر محفوظه
ليست هناك تعليقات:
إرسال تعليق