....🌼الأسعار والتجار🌼..
علشان تدخل على بقال....
لازم يبقى ف جيبك قرض...
علشان تاكل لحمة يا خال...
بيعلك بيت أو حتة أرض...
أما لو ميسور الحال...
على كارفور وتشوفلك عرض...
....
أما لو حكيان وشبهّنا...
شوفلك واسطة لدكان فول...
تاكل تشبع وتّريحنا...
والذاكرة هتروح على طول...
......
الأسعار عند التجار ....
تغلا كل ١٢ ساعة....
إن كان لحمة ولا خضار...
م الدولار عاملين شماعة...
....
وانت كمان يا مواطن قاطع...
صوم لك شهر ولا إتنين...
طول ما بتحلم منتش نافع...
يعنى الحلم هيخدك فين...
...
إنت مجرد شئ يا مواطن...
إوعى نشوفك يوم شكاى..
انت ف أوضة وصالة وساكن...
ناقص تطلب ميه وشاى...
.....
بطّل تحلم إسمع منى....
إمشى جوه أقرب حيط...
لو هتكتّر إمشى وسبنى...
سبنى أدبر حق الزيت...
كلماتى علاء محمود.
ليست هناك تعليقات:
إرسال تعليق