( إسألي قلبك )
ماتصدقيش اي كلام يتقال من اللايمين وماتفكريش
ولو زعلانه مني قولي بصراحه وماتخبيش
ليه لما أقولك ياحبيبتي بحبك بتكدبيني
طاب إسألي قلبك وهو يدلك قد إيه بحبك وإرحميني
لو واخده علي خاطرك مني تعالي شوفي حالي وعاتبيني
ياحبيبتي إنتي روحي إنتي عقلي وحب عمري صدقيني
عمري ما اتمنيت أعيش غير معاكي ياحبيبة عمري
وكفايه عليا نظره منك ألآقي رمشك مدوبني
بحبك قد روحي بس حبك كتير تاعبني
كل يوم بيعدي عليا في قربك بحسبه عمر تاني
ماهو انتي ياحبيبتي الحياه والدنيا الجميله بالنسبالي
ياام عيون كحيله ورموش طويله إرحمي حالي
لما بتبعدي عني ثواني باحس بروحي مش فيا
ولما بتزعلي مني وتهجريني باحس إني مش عايش في دي دنيا
الليل وانا مش في حضنك سجن عذابه طويل
والنهار في بعدك مرار وويل
والحنين بيعذبني ونار الشوق بتكوي قلبي العليل
وافضل تايه وهيمان في دنيا الخيال
مش عارف نفسي عايش ولا مش عايش وحالي حال
واللايمين آه م اللايمين ليه في حالي مش سايبين
يلوموني لو شافوني في بعدك حزين
ويحسدوني لو شافوني معاكي وانا وانتي فرحانين
ياحبيبتي كفايه عليا إنتي والعالم كله يبعد مايهمنيش
دول بيلوموني لما عقلي يتوه مني ودموعي تشكي من غيابك
مايعرفوش إني بموت كل ثانيه لما تبعدي عني وتحرميني من ودادك
يقولوا مهما يقولوا بس إوعي تحرميني ودك
دا الموت عليا أرحم واحن من بعدك
ووصالك ليله واحده تنسيني سنين هجرك
ياحبيبتي بلاش الشك والغيره يسوقوا ليالينا ويعيشونا مابين الحيره ودموع عنينا
والضحكه اللي ماكانت بتفارق وشوشنا
ليه تتبدل بدموع نارها تفضل تحرق فينا
لاتعاتبيني ولا أعاتبك
وماتزعليش لو شكيت من هجرك
يافرحة عمري قلبي وعقلي وروحي ملكك
ومن غيرك ياحبيبتي ازاي اعيش
وانتي زيك في الدنيا حبيبه مفيش
خواطر( أشرف الدغيدي )
حقوق النشر محفوطه
ليست هناك تعليقات:
إرسال تعليق