أمل كداب
احمدالسعيدالفقى
الأمل
دق على بابي
من خوفي
قلتله إستنى
لعمر الفرح
مشى في ركابي
ولا قلبي
في يوم إتهنى
خايف مالاقيش أحبابي
وأعيش وحيد
حتى ولو في الجنة
دق الأمل
على بابي
إتخضيت
من دهشتي واستغرابي
سكت ما رديت
وكان جوابي
بحرقة بكيت
عمر الفرح
ما زار أعتابي
ولا سكن يوم
جوا البيت
دق الأمل
على بابي
قفلت في وشه الباب
صرخت بعلو الصوت
ضاع عمري
وراح شبابي
وأنا بجري ورا السراب
وكل يوم
كان بيزيد عذابي
أمل كداب
لحد ما إستكفيت
وزهقت ومليت
دالوقتي بعد غياب
جي تدق الباب
بعد الشعر ما شاب
أما صحيح أمل كداب
لو إنت بحق وحقيق
رجعني من تاني شباب
ليست هناك تعليقات:
إرسال تعليق