................... ارمي وجعك.......
ماتسيبش نفسك
للوجع.
أو للدموع
الضلمه دايما تختفي
بضي الشموع
حلمك المركون
في قلبك
احضنه بكل الضلوع
بكره جايلك بالأماني
وضحكتك تملا النجوع
اوعي تفتح للوجع
باب وتداديه
دا اللي ضاع من فرحتك
يوم هتلاقيه
بكره تلقى الفجر طالع
بالحكاوي وانت فيه
مهما كان جرحك عفي
حبة امل
أو بابتسامتك هتداريه
واوعي روحك تنكسر
لو حتى ايه
عيش حياتك
وارمي وجعك تحت رجلك
دوس عليه
كمل المشوار وعافر
حتى لو من غير جنيه
بكره توصل للأماني
ودنيتك ترقص باليه
غني ويا الجرح دايما
وابتسم ماتقولش ليه
...............
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق