انا القمر
الشاعر
السيد الشهاوى
انا القمر
قصدي اللي كنت زمان قمر
ومعايا كان يحلاالسهر
نورت ليل العاشقين
وزرعت فيهم ذكريات حلوه وحنين
وكانوا ذي النجوم حواليا
منورين
انا القمر عشت قصص العاشقين شاركتهم حزنهم وفرحهم سنين الليل معايا كان امان
ولا شافوا يوم غدر الزمان
وعمري ماتصورت يوم
انه مع اول سحابه صيف
او لما ييجي الخريف
القاهم من المغرب نايمين
متبعترين
خنقوا القمر لما شافوه بقي طيف وانكسر
ضياه وبقي هلال او حتي
بدر
استعجلوا موته وسقوه.
من كاسات الهجر مر وصبر
ويارىت استنوا لما يضيع ضيه
ويا طلوع الفجر
انا القمر
اللي حطمني زماني وغير ملامحي
شيب شعري والكبر
عايش لوحدي في ليل طويل
مستني طلوع الفجر
ادوب في ضيه
واتولد مره تانيه
في دنيا تانيه
ما فيهاش نفاق ولا غدر
ليست هناك تعليقات:
إرسال تعليق