لما كنت طفل صغيَّر
قالوا عني ليه متغيَّر
شكلك لونك مابيتعيَّر
ويلي زيك حرام يتألمْ
صح إسمي فريد من نوعو
حامل اسم الورد وضوعو
ولما نادوا عليَّ يزيعوا
دي شهادتك يابن مريمْ
كنت فاكرهم نسيو إسمي
وعملت فيهم ظبط رسمي
هيأت نفسي ورتبت كسمي
ووديت المكتوب إني متظلّم
يلي عاملين دوشة روقو
رتبوا الدور بيكفي زوقوا
حنّادي عليكم وانتو فوقوا
ونعرف منكم إيه التهم
وبعد.شوية جي المساعد
نادى علينا واحد واحد
ابن سمية وابن ناهد
وحضر حالك يابن مريم
زعلت منو صرخت عليه
قلي مالك يابني ايه
قلت لي اسم تنادي بيه
وكفاية بقى فوق اتعلّمْ
صفن بيا وضحك شويا
وقلي يابني بتشخط فيا
أنا عارفك من غير هويه
منتَ شبه أختي مريمْ
رحت لأمي شكيتلها حالي
وقلتلها عارفينك من خلالي
ياشبهك انت ياشبه خالي ؟
إيه الحكاية ممكن أفهمْ
قالتلي ياضو قلبي ودقاتو
الخال ولاّد بكل صفاتو
ولما الراجل يحب مراتو
صورة طفلو بأمو معلَّم
وزعلان ليه يابن مريم
د. سيرين يوسف
ليست هناك تعليقات:
إرسال تعليق