ظنيت فيك نلڨى رجايا
ونلڨى السعادة عڨب التعب سنين
وظنيت نلڨى علتي ودوايا
وحمدت ربي ڨلت ڨلب حنين
وسط الظلام تنور بيك سمايا
ونڨطع كلام الشك باليقين
ونكتب معاك على المحبة غناية
ميزانها دڨات وسط كنين
و تكون وسط الخاطر و بحذايا
ومن الشعر نكتب فيك دواوين
ياخسارتي لحساب ضاع معايا
وتهت وسط بن جابر و داروين
في الحب ماعنديش حتى دراية
نضلع و نكوع نعكز بعكازين
وانت بحورك ڨداش فيها ضحايا
بوري وشورو قاروص ودلافين.....
وماذا عيون بايتة بكاية
وسالت دموع سخية عل الخدين،
يا خيبتي ويا حسرتي و عنايا
على الي سكن الڨلب وممو العين ...
ظهر واطي خسيس زاد شڨايا
و في الحب ماعندوش حتى دين .....
حنان بشير العلوي
ليست هناك تعليقات:
إرسال تعليق