......... كان نفسى ❗........
كان نفسى أردلك الجميل
وأطعمك بإيدى أحلى لقمه
وأشيلك من ع الأرض شيل
ولا اشوف فى عينك كلمه
علمتينى الصدق والأصول
وحضنك الدافى فيه رحمه
كان نفسى أردلك الجميل
واشوفك مبسوطه بضحكه
واسمع صوتك فى أى قول
وخوفك عليا من أى حركه
واتمتع فى حضنك الأصيل
وأحس فيه برووح الملايكه
وتعيشي معايا نهار وليل
ووجووودك فى بيتى بركة
كان نفسى أردلك الجميل
وأسمع ف دعاكى أرق نغمه
ودعاكى لينا وظلك الظليل
وخوفك علينا من كل عتمه
ونصايحك ربيع كل الفصول
وفى اووجاعك كنتى بسمه
كان نفسى أردلك الجميل
وما أفرطش فيكى يا امه
وتعيشي وعمرك معايا يطول
وتنورى حياتى فى كل ضلمه
......................................
.......د . حسن الشوان .........
ليست هناك تعليقات:
إرسال تعليق