تڨول لونجة:
الخيالة طلوا..
شُفْت مَرة .. وهي مَرة
لبنات عْلِياَ .. عَلُو ..
حَسِيتْ نهارها .. حسيت ..
دڨات ڨلبي .. لِيَا وَلُو ..
ڨالو لبعيد وَلىَ.. والخيالة طَلُو..
ما ڨديت نڨدم ليه.. ولا مرحبا نْڨُلو
ڨال هاتي شْريبَة يا الباهية.. ويا لبنات غير الحنة.. بلْلُو..
من ايدي.. طاحت الڨلة.. شقاف
كي رجالي من الكدية هلو..
زيني غاب ولوني شحاب ..
وعروڨ ڨلبي.. تسلو..
ولاد خالي .. وعمي غاروا منو ..
ڨالو فيه .. وزادو عليه ..
وتحلفو يقضو عليه ..
ڨال ضياف ربي جيناكم ..
الريڨ شايح .. وماكم يرويه ..
الضيف في عرف الأجواد ..
يمرحبو بيه ..
ڨال الشيخ ..
كلامك صواب يا فارس
والضيف نڨلوا زوز وڨرب .. ومرحبا بيه ..
المرڨوم نفرشو ليه
يدوس فراشنا ..
وياكل من معاشنا ..
ثلاث أيام لا نسقسوه ..
لا ندورو بيه ..
وكي يحضر لكلام ..
الصواب عندو أماليه ..
وحيدة رجيمي ميرا
ليست هناك تعليقات:
إرسال تعليق