................ نهار عالورق.......
بستان المحبه خرب /مافضلش فيه غير بوم
قلبي اللي داب م الهوي/ والله ماكانله لزوم
راح الحمام واهو طفش/ والغيه صبحت شووم
لا صبح بان أو فجر/ ولا نور يشق غيوم
ياروح ماليها الوجع/ تعبت سنين م العوم
امتى تسيبي البدن/ علشان مايشبع نوم
قطر البضايع وصل/ مليان بصل على توم
ياعمر ضاع سرسبه /ويوم بييجرجر يوم
يافرحه فين سكتك/ نمشيها من غير خوف
ينهش قلوبنا الوجع /ويسيبنا من غير شوف
نرسم نهار عالورق/ ونستف المواضيع
يفضل نصيبنا كدا / والفرح للجرابيع
..............
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق