الي امي النائمه في قبرها
...... طعم الفراق............
لسه صورتك يامه
ساندالي الجدار
سانده روحي
زي شمسه في المدار
لسه صوتك
زي أوتار الجيتار
لسه فاكر لون ملامحك
زي مايكون النهار
لسه روحك بينا يامه
خيط واجمد م البزار
لسه فاكرك
لما كان الفجر يدن
تسالي ربك يبارك
في الصغار
مش بايدك أو بأيدنا
كان بعادك دا اختيار
كنت أجمل شئ مابينا
كنت جنه
كنت سقف وبيت ودار
لسه صورتك زي ماهي
محاوطه قلبي
بمية جدار
كنت توته وساقيه دايره
تملا كل الغيط خضار
كنت برج حمام وغيه
يلمنا لو كله طار
النهار دا الكل واقف
عالمحطه في الانتظار
لما يجي القطر يامه
راح نجيلك
والقلوب دايبه اشتياق
دا اللي فاضل بينا خطوه
صدقيني الكل فاق
لما حس الكل يامه
مر اوجاع الفراق
.............. ...... .....
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق