. الرباب
خصرك لمّا بيتمايل ياضمر
خصر الرباب
ولمّا ذبلت عيونك دخت
والقلب ذاب
..........
سقيتيني من خمر الشفة
شهد العناب
خمر معتق يسكرني
أطيب شراب
..........
سهام عيونك قتلوني
وحضورك بيرد الروح
بلحظة ضعت وضيعتك
وسكرنا الباب
بعدك والله آلمني
زاد العذاب
أخذتِ روحي و عقلي
ماحسبت حساب
...... ....
بسمع خطواتك بسترسل
موسيقى الجن
بسرعة براقب حركاتك
و فجأة ب كن
لو بلحظة أنكرت حبك
بطلع كذاب
...........
عزف القصب جنني
والناي يعن
بتتفتق خيوط جراحي
والقلب يئن
يمر خيالك والذكرى
يزيد العذاب
د.غانم ع الخوري ..
ليست هناك تعليقات:
إرسال تعليق