حبيبي جاني
غنوه الشاعر
السيد الشهاوي
حبيبي جاني
هل الربيع ع الدنيا من بعد غيابه
صالح زماني
بعت النسيم يصحي في الورد
شبابه
ناداني هواه وطمني
وقاللي اوعي تغيب عني
جت الليالي تسقيك
غرامي وليه قلبك بعيد عني
وقلت اخاف ياخدني
الموج في عيونك يغرقني
يطول ليلي يسهرني
وعمر زماني ما غلبني
حبيبي جاني
طلع القمر...واتجمعت كل النجوم حواليه
وأنا اللي قلبي من كتر وجدي ياعيني عليه
داري وخبي وخاف يبان الشوق
في عينيه
هو القمر في السما
بس إحنا بالنسبه له إيه
حبيبي جاني
شوفت الحنان في عينيه
بفرحه عمري ...واعداني
وأما لمست ايديه
افراحي رجعت لي تاني
والدنيا جت متزوقه
ومزيناها الورود
وأنا فرحتي باللقا
لو وزعوها تملا الوجود
حبيبي جاني
السيد الشهاوى
ليست هناك تعليقات:
إرسال تعليق